ನಿಶ್ಯಬ್ಧ ಮಾತು

ಕಾಲೇಜಿನ ದಾರಿಯಲ್ಲಿ ಸಿಗುವ ಬಗೆ ಬಗೆ ಹೂಗಳಿಂದ ಆಟ ಆಡೋದು ಹುಡುಗಿಯರ ನೆಚ್ಚಿನ ಹವ್ಯಾಸ.
ಕೆಲವೊಮ್ಮೆ ಹುಡುಗರದೂ ಕೂಡ . ಇದೇ ಹೂಗಳನ್ನ ತನ್ನ ಗೆಳತಿಗೂ ಕೊಡುತ್ತಾರೆ ಹುಡುಗರು. ಜಾಸ್ತಿ  ರೆಕ್ಕೆ ಇದ್ದ ಹೂಗಳಿಂದ,
ಅವ ಅಥವಾ ಅವಳು ಪ್ರೀತಿಸ್ತಾರೋ ಇಲ್ವೋ ಅನ್ನೋ ಪ್ರಶ್ನೆಗೆ ಉತ್ತರವನ್ನು ಕಂಡು ಹಿಡಿಯುತ್ತಾರೆ. ಒಂಥರಾ ಸಿನಿಮೀಯ ಅನ್ಸತ್ತೆ ಈಗ, ಆದ್ರೆ ಹೂವಿನ ರೇಕುಗಳಿಗೆ  ಬದುಕ ರೇಖೆಗಳನ್ನ ಬದಲಿಸುವ ಶಕ್ತಿ ಇದೆ ಅನ್ನೋ ವಾದ ಪ್ರಾಯದಲ್ಲಿ ತರ್ಕಬಧ್ಧ.

ಹರೆಯ ಕಾಲಿಟ್ಟ ಜೀವಗಳಿಗೆ ಹೆಚ್ಚಾಗಿ  ಕಾಣಿಸುವುದು ಸಂಗಾತಿ ಮಾತ್ರ.  ಇದಕ್ಕೆ ಅಪವಾದಗಳೂ ಇರಬಹುದು.
"ज़िन्दगी और कुछ भी नहीं तेरी मेरी कहानी हैं "

ಅವನ ಪರೀಕ್ಷೆ ಮುಗಿದು , ಎಲ್ಲ ಪದವಿ ಪ್ರವೇಶ ಪರೀಕ್ಷೆಗಳೂ ಮುಗಿದವು. ಅವನು ಯಾವ ಪದವಿ ಆದ ಬೇಕೆಂದಿದ್ದ ಎಂದು ನಾನೆಂದು ಕೇಳಿರಲಿಲ್ಲ ಅವನೂ ಹೇಳಿರಲಿಲ್ಲ. ಸಿಕ್ಕ ೪-೫ ಬಾರಿ ಮಾತಾಡಿದ್ದೆ ಕಡಿಮೆ ಇನ್ನು ಓದುವ ವಿಚಾರ ಮಾತಾಡೋದು, ಸಾಧ್ಯ ಇಲ್ಲ.

ನಮ್ಮ ಮೊದಲ ಪಿಯು ರಜೆ ಮುಗಿಯುತ್ತಾ  ಬಂದಿತ್ತು. ಎಲ್ಲೋ ಹೊರಟಿದ್ದವಳಿಗೆಗೆ ಸಿಕ್ಕ, ಇಬ್ಬರೂ ನೋಡಿದ್ದೆವಾದ್ದರಿಂದ ಹಾಗೇ ಹೋಗುವ ಅವಕಾಶವಿರಲಿಲ್ಲ. ಸುಮ್ಮನೆ ನಿಂತ, ನಾನೂ ನಿಂತೆ. ಅವನ ಮುಖದಲ್ಲಿ ಎಂದಿನ ನಗುವಿರಲಿಲ್ಲ. ನನಗೇನೂ ಮಾತಾಡಲು ತೋಚಲಿಲ್ಲ, ೨ -೩ ನಿಮಿಷ ನಿಂತು ಅವನು ಹೊರಟು ಹೋದ.
ಅವ ಹೇಳಬೇಕಾದ್ದು ಹೇಳಿದ್ದನ? ನಾ ಕೇಳಿದ್ದೆನ?
"दो लाव्जोंकी हैं दिल की कहानी, या हैं मोहब्बत, या हैं जवानी "