ಹಳ್ಳ ಸೇರದ ಹನಿಗಳು....ಭಾವಬನಿಗಳು - ೩

 

ಚಿತ್ರ ಕೃಪೆ : ಅಂತರ್ಜಾಲ

೧.ರಂಗಾ ನಿನ್ನ
  ಸಂಗದಲ್ಲಿರಿಸಿ ಭವದ
  ಭಂಗ ಬಿಡಿಸಿ, ಕಾಯೋ
  ಅನಂಗ ಜನಕ  ಶ್ರೀಹರಿಯೇ

 

೨. ಗಂಧ ತೆಯ್ದಿತ್ತ ಕುಬ್ಜೆಯನುಧ್ಧರಿಸಿದ

    ಮಂದರ ಗಿರಿಧಾರಿ,

    ಬಂದ ವಿಪತ್ತುಗಳ ಪರಿಹರಿಸಯ್ಯ

   ಕಂದರ್ಪ ಜನಕ ಶ್ರೀ ಹರಿ

                                            

                                                       

೩. ತಿರಿದು ತಿನ್ನುವಗೆ ಅರಿಗಳೈವರು,

    ಬರಿದೆ ಬಿರುದು ಪೊತ್ತರೆ ಸಾಲದೊ

    ಮುರಾರಿ ನೀ ಬಂದು 

   ಅರಿವರ್ಗಗಳ ಬಿಡಿಸಬೇಕೋ ಶ್ರೀಹರಿಯೇ

೪ . ಪ್ರಾಸ ಪದಗಳ ಜೋಡಿಸೆ

   ಗ್ರಾಸವಾಗದೋ ಭಕ್ತಿಗೆ,

   ಈಸಿ ದಡ ಸೇರುವಂತೆ ಪೊರೆಯೋ

   ಸಾಸಿರ ನಾಮದ ಶ್ರೀಹರಿಯೇ

೫. ಬಿಂಕ ತೋರಬೇಡವೋ,

ಪಂಕಜಾಕ್ಷ,

ಅಂಕೆ ಇರದ ಮನಕೆ,

ಅಂಕುಶವನಿತ್ತು ಕಾಯೋ ಶ್ರೀಹರಿಯೇ. 

೬. ಸೂರ ದಾಸರಿಗೊಲಿದ

   ಮಾರ ಪಿತ

  ಕರುಣಾವಾರಿಧಿ,

  ದಾರಿ ತೋರೋ ಶ್ರೀಹರಿಯೇ

೭. ಗತಿ ನೀನೆ         
ಮತಿ ನೀನೆ
ಸದ್ಗತಿ ನೀನೆ
ಶ್ರೀಪತಿ ಬಂದೆಮ್ಮ  ಕಾಯೋ ಶ್ರೀಹರಿಯೇ

೮. ನಿನ್ನ ವಿರಹದಲ್ಲಿ ಬೆಂದವಳು ಮೀರಾ

   ನಿನ್ನ ನೆನಹಲ್ಲಿ ಬಾಳಿದವಳು ರಾಧೆ

  ನನಗೆ ನೆನಹೂ ಇಲ್ಲ

  ವಿರಹವೂ ಇಲ್ಲ

  ಆದರೂ ನೀ ಬಂದು ಕಾಯಬೇಕಲ್ಲ!

೯. ವಿರಹವೇ ಏಕೆ ಗೀತೆ ಯಾಗಬೇಕು?

ಹಾಡಿಗೆ ರುಕ್ಮಿಣಿಗಿಂತ, ಮೀರಾ ರಾಧೆಯರೇ ಬೇಕು !

 ೧೦. ನೀನೋಲ್ಲೆಯಂತೆ ವೃಂದೆ ಇಲ್ಲದ ಪೂಜೆಯನ್ನ,

ಹೌದು ಬಿಡು, ಅವಳಂತೆ ಯಾರು ಕೊಡಲಿಲ್ಲ ನಿನಗೆ ತನ್ನೆಲ್ಲ ಕನಸ ಚಿಗುರನ್ನ

" मारा री गिरिधर गोपाल ......"

"सावरा रे मारी प्रीत निबाजो जी ....."   ಇಂತಹ    ಸುಂದರ ಮೀರಾ ಭಜನೆಗಳನ್ನ್ನು  ಕೇಳಲು ಇಲ್ಲಿ ಕ್ಲಿಕ್ ಮಾಡಿ 

"' ಗೋವು'ಗಳ ರಕ್ಷಿಸಲು ಗೋಪಾಲ ಬೇಗ ಅವತರಿಸಲಿ . ರಂಗಾ ನಿನ್ನ ಸಂಗದಲ್ಲಿರಿಸೊ  "