ಕಾಡಿದ ಹನಿಗಳು

ಪತ್ರಕರ್ತೆ ಗೆಳತಿಯೊಬ್ಬಳು ಬರೆದ ಸುಂದರ ಹನಿ

The art of rain

Falling Down, pooling up,
Out of the sky, into my cup.

What is this wet that comes from above,
That some call disaster, and others find love.

The rain has an art that I may not get,
So I stand still here and get soaking wet

ಮತ್ತೆ ಮತ್ತೆ ಓದಿದಾಗ ಕನ್ನಡದಲ್ಲಿ ಅನಿಸಿದ್ದು


ಪ್ರೇಮವೆಂಬ ಹನಿ

ಭುವಿಗೆ ಹನಿದು, ಮತ್ತೆ ಹಾರಿ
ಬಾನಿಂದ ಸೀದಾ ನನ್ನೊಡಲಿಗೆ  ಜಾರಿ

ಮೇಲಿಂದ ಸುರಿವುದದಾವ ಭಾವ
ಕೊಡುವುದು ಕೆಲವರಿಗೆ ನಗು, ಹಲವರಿಗೆ ನೋವ

ಅರ್ಥವಾಗದ ಕಲೆಗೆ ಮನಸೋತೆ ನಾ
ಬಯಲಲಿ ನಿಂತು  ಮನದಣಿಯೆ ತಣಿಯುತ್ತೇನೆ ನಾ


" ज़िन्दगी यूं  हुयी  बसर तनहा .. "
ಗುಲ್ಜಾರರ ಮರಾಸಿಂ ಅನ್ನೋ ಆಲ್ಬಮ್ನಲ್ಲಿದೆ. (मरासिम -ಸಂಬಂಧ), ಹಾಡುಗಳನ್ನ ಇಲ್ಲಿ ಕೇಳಬಹುದು. 

" ज़िन्दगी यूं  हुयी  बसर तनहा .. "  ಕನ್ನಡೀಕರಿಸುವ ಒಂದು ಪ್ರಯತ್ನ ಕೆಳಗಿದೆ

 ಹೆಜ್ಜೆ
ನಡೆದಿದ್ದೇನೆ  ನಾ ಒಂಟಿಯಾಗಿ
ನೂರು ಧನಿಯೊಟ್ಟಿಗಿದ್ದು , ಒಂಟಿ ಹೆಜ್ಜೆಯಾಗಿ !

ನೆರಳ ಕಂಡು ಬೆಚ್ಚುತ್ತೇನೆ  ನಾ,
ಅದಿನ್ನೆಷ್ಟು  ಒಂಟಿ ನಾ ?

ಇಡೀ ರಾತ್ರಿ ಕರೆವುದೊಂದು ನಿಶ್ಯಬ್ಧ
ಯಾರ ರಾತ್ರಿಗಳಾಗಿದ್ದವು ಇಷ್ಟೊಂದು ಸ್ತಬ್ಧ ?

ಜನರ ನಡುವೆ ಸರಿಯಲೊಲ್ಲದು   ಹಗಲು
ರಾತ್ರಿ ಕಳೆವುದು  ಬದಲಿಸಿ ಮಗ್ಗಲು

ಬಾಗಿಲವರೆಗೂ ಬಂದವ ಅದೇಕೋ ಒಳ ಬರಲಿಲ್ಲ
ಹೆಜ್ಜೆ ಜಂಟಿಯಾಗಲಿಲ್ಲ.