ಎರವಲು

೧.  ಸಾಗು ಮಾಗು ಗುರುಪಾದ
   ಸೇವಕ ನಾಗು ಹಾಗೂ ಹೀಗೂ
   ಮಂಗಾಟ ನಿಲ್ಲಿಸು ಹನುಮಂತನಾಗು

೨. ನಾನೆಲ್ಲಿ ಹೋಗಿದ್ದೆ?
  ನಿಮ್ಮ ಹೃದಯದೊಳಗಿದ್ದೆ
  ವಿವೇಕ ಅಂತ ಹೊರಗ ಬಂದೆ

೩.  ಯಾವುದರ ಬೋಧ ಇಲ್ಲವೋ
   ಅದರ ಶೋಧವು
   ಸಫಲವೆನಿಸಲಾರದು

೪ ಕಾಮದೊಳಗೆ ಹೊತ್ತಿದೆ ಪ್ರೇಮಾ
ಅದಕ್ಕಾವ ನೇಮಾ ಗೀಮಾ
ಅದು ಬಾಳೋ ಸೀಮಾ ನಿತ್ಯಾನಂದ ಧಾಮಾ

- ದ. ರಾ. ಬೇಂದ್ರೆ.
ಕೃಪೆ: ಶಬ್ದಗಾರುಡಿಗ ಬೇಂದ್ರೆಯವರ ಮೂರು-ಮೂರೇ ಸಾಲುಗಳು

೫.ಹೊಗಳಲೇನು?
ತೆಗಳಲೇನು?
ಲೋಕ ತೊರೆದು ಬಿಟ್ಟರೇನು? ಕೊಟ್ಟ ಕೊನೆಗೆ
ಬರಲು ಮನೆಗೆ.
ನಿನಗೆ ನಾನು.
ನನಗೆ ನೀನು..
- ರಸಋಷಿ ಕುವೆಂಪು